فاهيتا الفراخ والمشروم

حطّي الفاهيتا في العيش الشامي ولفّيه كويس

النهارده هنعمل فاهيتا الفراخ والمشروم؛ علشان تزيّني بها سفرتك وتقدّميها لأطفالك، جرّبيها وماتنسيش تبعتي لنا رأيك فيها، وتقولي لنا على أي أكلة عايزة تعرفي طريقتها علشان نقدّمها لك في أقرب وقت...

فاهيتا الفراخ والمشروم
المقادير:
¼ كيلو مشروم شرائح
¼ كيلو صدور فراخ مقطّعة شرائح
2 ثمرة طماطم مقطعة شرائح
2 ملعقة كبيرة بقدونس مفروم
2 ملعقة صغيرة كزبرة مفرومة
3 فصوص ثوم مقطع شرائح
2 ملعقة كبيرة عصير ليمون
2 ثمرة بصل مقطع شرائح
4 ملعقة كبيرة زيت زيتون
ملعقة كبيرة مستردة
ملعقة صغيرة بهارات
3 ثمرة فلفل ألوان
بصلة مبشورة
ملح وفلفل
عيش شامي

الطريقة:
1- تبّلي شرائح الفراخ بالملح والفلفل والبصل والليمون، وسيبيهم في التتبيلة دي لمدة ساعتين، وبعد كده شوّحي الفراخ مع شوية زيت على النار لحد ما تستوي.

2- حطّي زيت الزيتون في نفس الطاسة اللي شوّحتي فيها الفراخ، وشوّحي فيها شرائح البصل والفلفل الألوان وتبّليهم بالملح والفلفل.

3- حطّي المشروم في طاسة تانية وعليه زيت الزيتون وشرائح الثوم، وشوّحيه على النار مع شوية ملح وفلفل وعصير الليمون والمستردة، وقلّبيهم كويس على نار متوسطة.

4- بعد ما تحسّي إن المشروم دخل في السوى، اخلطيه مع الخضار والفراخ، وضيفي عليهم البهارات والبقدونس والكزبرة وقلّبيهم كويس مع بعض.

5- حطّي الفاهيتا في العيش الشامي ولفّيه كويس، وحطّي الساندوتشات في طبق التقديم..

                                                          

                                   وبالهنا والشفا.