شوربة لسان العصفور باللحمة المفرومة

المقادير
1/2 كيلو مكرونة لسان عصفور
3 أكواب شوربة  فراخ أو لحمة
1/2 كوب لحمة معصجة
ملح + فلفل
2 حبة حبهان
1/2 كوب سمنة

الطريقة
1- هاتي حلة وسخّني فيها السمنة، وبعد كده ضيفي إليها لسان العصفور مع استمرار التقليب لغاية ما لون لسان العصفور يبقى ذهبي..

2- لما تلاقي إن لسان العصفور بقى ذهبي ضيفي ليه شوربة الفراخ أو اللحمة، واللحمة المعصجة والملح والفلفل والحبهان وقلبيهم مع بعض، وسيبيهم على النار لغاية ما الشوربة تغلي..

3- بعد ما الشوربة تغلي هدي نار البوتاجاز، وغطي عليها، وسيبيها لمدة ربع ساعة لو لغاية ما لسان العصفور يستوي ممكن أنك تضيفي شوربة تاني إذا لزم الأمر.

4- بعد ما لسان العصفور يستوي اطفي البوتاجاز وحطيه في  أطباق  الشوربة.