طريقة عمل المالح

المالح: عبارة عن سمك مملح يضاف اليه الماء والليمون والبصل
طبعا تنظفي المالح وتغليه مرتين في كل مره تغير الماء
من ينضج تنظفيه ويصير قطع

لما المالح يغلي في هذاك الوقت
بتقومي بتقطيع البصل دوائر خفيفه وتحطي عليها شوية ملح وتخلطيه وتحطيه في الشمس فتره بسيطه 


       



بعدها خذي البصل ونظفيه زين زين وحطيه على النار وحطيه عليه شوية زيت وحمسيه وضيفي عليه فص أو فصين ثوم مدقوق وحركيه بتطلع رائحة الثوم حلوه

حمستي البصل حطي فيه قطع المالح وحركيه وضيفي عليه ماء على حسب رغبتك من ثم ضيفي الفلفل أخضر مقطع أو بودره على حسب رغبتك مع الجلجلان

بعد ماتحسيه خلاص نضج تضيفي آخر شي الليمون ويغلي شوي بس لأن الليمون الأخضر إذا يغلي مده طويله بيصير مر