مقادير المقلوبة بالدجاج:
دجاجة واحدة مقطعة
3 حبات بطاطا
1 حبة باذنجان كبيرة
1 حبة زهرة
(كمية الخضار حسب الرغبة)
1 معلقة كبيرة سمنة أو زبدة أو زيت
زيت للقلي
5 أو 6 كوباية رز بسمتي
1 بصلة
البهارات:
ملح/ فلفل حسب الذوق
1/2 معلقة صغيرة قرفة
1 معلقة صغيرة كزبرة مطحونة
1/4 معلقة صغيرة هال مطحون
1 معلقة صغيرة سبع بهار أو بهار مشكل
1 معلقة صغيرة كمون
1 معلقة صغيرة كركم
الطريقة:
بتقلي البصل بالسمنة/زبدة/ زيت حسب انتي شو بتحبي
بس يدبل البصل ضيفي قطع الدجاج
ضيفي البهارات إلا الكركم
حركي الدجاج مع البهارات و البصل كم من دقيقة عشان ياخدوا طعم
ضيفي 5 أكواب ماء (المفضل ساخن) أو لحتى ما تغمري الدجاج
غطي الطنجرة و خلي الجاج يسلق لمدة 45 دقيقة أو لحد ما يطوي الجاج 3/4 إستوى
(حيكون لون المرقة غامقة من البهار)
بالوقت إلي بنسلق فيه الجاج، انقعي الرز بمي دافئة و قطعي البطاطا و الباذنجان شرائح و قطعي الزهرة و إقليهم 3/4 إستوى
لما كل شي يكون جاهز القلي و الجاج المسلوق، شيلي الجاج من المرقة و حطيه عجنب و صفي المرقة من البصل،
اغسلي الرز و صفيه و ضيفي عليه الكركم، شويت ملح و فلفل، و 1 معلقة صغيرة بهار مشكل و أخلطيه.
هلا اجا وقت تركيبة المقلوبة:
بتجابي الطنجرة إلي بدك تطبخي فيها المقلوبة إذا عندك طنجرة المقلوبة بكون ممتاز
1: بتاخدي كمشة رز بيدك و بتفرديها بقاع الطنجرة
2: بتاخدي الجاج و بتصفطيه
3: بتاخدي المقالي (بطاطا و الباذنجان و الزهرة) و بتصفطي طبقة طبقة
4: بتضيفي بقية الرز فوقهم
5: بتسكبي مرقة الجاج عليهم
بتخلي الأكل يغلى و بعدين بتوطي النار عال هادي بتشيكي لو بدها كمان مرقة أو ماء لحتى ما الرز يستوي
بس يستوي الرز بتطفي النار، و بتخلي الطنجرة 10 دقايق
بس تيجي تقلبيها خليها مقلوبة كمان 10 دقايق بدون ما ترفعي الطنجرة
بعدين بترفعيها و بكون عندك قالب مقلوبة بجنن و طعمها بجنن أكتر
للمشاهدة اضغط هناااااااا
http://iiiii.in/p7ZvN