القرنبيط بطريقة سهلة ولذيذ

زيّني القرنبيط بزيت الزيتون والبقدونس المفروم

القرنبيط من الخضراوات المفيدة جدا، لكن المشكلة إنك لازم تلاقي فيه حد في الأسرة مش بيحبه رغم فوايده الكتيرة، النهارده هنعمل مع بعض القرنبيط بطريقة 

 جديدة هتدّي له شكل وطعم مختلف..

 

قرنبيط مهروس
المقادير:
رأس قرنبيط
4 فصوص ثوم مفرومين
ملعقة كبيرة عصير ليمون
2 ملعقة كبيرة زيت زيتون
ملعقة كبيرة زبدة
1/3 كوب لبن
ملح وفلفل

الطريقة:
1- قطّعي القرنبيط لقطع صغيرة واسلقيه في كمية مناسبة من المية مع الثوم لمدة 12 : 15 دقيقة أو لغاية ما القرنبيط يتسوي تماما.

2- حطّي القرنبيط المسلوق في الخلاط وضيفي معاه اللبن وعصير الليمون وملعقة من زيت الزيتون والملح والفلفل، واضربيهم مع بعض لمدة كافية لغاية ما القرنبيط يتهرس تماما.

3- حطّي القرنبيط المهروس في طبق التقديم، وزينيه بزيت الزيتون والبقدونس المفروم.. 

                                    وبالهنا والشفا.