زيّني الطبق بشرائح الليمون والبقدونس الأخضر
النهارده هنقدّم لكم طريقة عمل الفراخ البانيه من المطبخ المكسيكي؛ جرّبوها وابعتوا قولوا لنا رأيكم فيها.
المقادير:
½ كيلو فراخ بانيه
بصلة صغيرة مفرومة
½ كوب جبنة شيدر مبشورة
½ كوب عصير ليمون
ملعقة صغيرة كمون
¼ كوب زيت
فص ثوم مفروم
ملح وفلفل
الطريقة:
1- اخلطي كل المكوّنات مع بعضها -ما عدا الجبنة الشيدر- وتبّلي بها الفراخ، وسيبيها في التتبيلة دي لمدة ليلة كاملة.
2- ارفعي الفراخ من التتبيلة وحطّيها على الشواية أو دخّليها الفرن لمدة 8 دقائق، وبعد كده اقلبيها على الناحية التانية.
3- أوّل ما تحسّي إن الفراخ استوت، رشّي عليها الجبنة الشيدر المبشورة، وبعد كده حطّيها في أطباق التقديم، وزيّنيها بالبقدونس المفروم وشرائح الليمون، وممكن تقدّمي معاها بطاطس مشوية.. وبالهنا والشفا.