اغرفي الأرز والفراخ في طبق التقديم
المندي من الطرق الجميلة اللي ممكن تقدّمي بيها
الفراخ كنوع من التجديد، لكن ستات كتير بتفتكر إن طريقته صعبة، علشان كده
بتفضّل إنها تطلبه جاهز، النهارده هنقدّم طريقة عمل مندي الفراخ في البيت
بخطوات بسيطة وسهلة..
مندي الفراخ
المقادير:
2 كوب أرز بسمتي
فرخة منزوعة الجلد ومقطّعة
2 ثمرة بصل مقطّعة شرائح
½ ملعقة صغيره فلفل أحمر (بابريكا)
ملعقة صغيرة قرفة مطحونة
2 ملعقة كبيرة ثوم مفروم
½ كوب عصير ليمون
ملعقة صغيرة بهارات
ملعقة صغيرة زعفران
5 حبات حبهان
ملعقة كبيرة سمنة
ملح وفلفل أسود
5 عود قرنفل
2 كوب ماء
الطريقة:
1-
اغسلي الفراخ كويس، وتبّليها بالملح والفلفل والبابريكا والثوم وعصير
الليمون، وسيبيها في التتبيلة دي لمدة نصف ساعة، واغسلي الأرز وانقعيه في
المية لمدة 10 دقائق وسيبيه يتصفّى.
2- شوّحي شرائح البصل في السمنة لغاية ما يبقى لونها دهبي، وبعد كده ضيفي عليه الأرز، وقلّبيهم مع بعض على نار متوسطة لمدة 5 دقائق.
3-
حطّي خليط البصل والأرز في صينية الفرن، وضيفي عليهم المية وتبّليه بالملح
على حسب الطعم اللي إنتي عايزاه، وضيفي معاهم الحبهان والقرفة والقرنفل
والزعفران.
4- غطّي الصينية بطبقة من ورق الفويل، واعملي فيه أكتر
من فتحة بالسكينة، وبعد كده حطّي قطع الفراخ على الفتحات دي، وغطّي الفراخ
كويس بطبقة تانية من ورق الفويل.
5- دخّلي الصينية في فرن ساخن على
درجة حرارة متوسطة، وسيبيها لمدة ساعة ونصف أو لغاية ما الأرز والفراخ
يستووا، وبعد كده طلّعيها واغرفيهم في طبق التقديم.. وبالهنا والشفا.