استمتعي مع أسرتك بوجبة لذيذة ودافية
النهارده هنعمل شوربة الفراخ والسبانخ؛ علشان تستمتعي مع أسرتك بوجبة لذيذة ودافية في جو الشتاء البارد.
.المقادير:
½ كيلو سبانخ مقطّعة قطع صغيرة
¼ كيلو فراخ بانيه مقطّعة مكعبات صغيرة
بصلة صغيرة مفرومة
4 كوب شوربة فراخ
كوب كريمة لباني
زيت نباتي
الطريقة:
1- شوّحي البصل في الزيت في حلة على النار لمدة دقيقتين، وبعد كده ضيفي معاه قطع الفراخ وقلّبيهم مع بعض شوية، وبعدين ضيفي السبانخ، مع الاستمرار في تقليبهم على النار لمدة 5 دقائق.
2- بعد كده ضيفي الكريمة اللباني والشوربة، وغطّي الحلة وسيبي الشوربة على نار هادية لغاية ما تغلي، وبعد كده ارفعي الشوربة من على النار، واغرفيها في أطباق التقديم.. وبالهنا والشفا.