طريقة عمل البيتزا باالفيديو!!

المقادير
كيلو دقيق
2 معلقة خميرة بودرة
سنة ملح
سنة سكر
3 معالق زيت زيتون
3 معالق زبادي دي في حالة لو عايزاها طرية اسفنجية اما لو عايزاها ناشفة كرسبي متحطيش الزبادي
نص لتر ماء
الطريقة 

اول حاجة يا ستي تحطي الدقيق في العجان
وتحطي الخميرة وتشغلي العجان ع السرعة المتوسطة
وبعدين تحطي الملح والسكر وزيت الزيتون
وبعدين الزبادي وتسبيها ع السرعو المتوسطة قيمة خمس دقائق كدة بعد كدة شغلي ع السرعة العالية وحطي المية سنة سنة
كله تمام لحد كدة
طلعي العجينة وقطعيها زي ما انتي عايزة وسبيها تخمر
وبعد ما تخمر افردي كل واحدة وحطي بقي التوبينج بتاعها يعني الصلصة والحاجات التانية زي الزتون والفلفل الالوان والحبنة الموتزاريلا ودي حاجات اساسية اما بقي اللي مش اساسية الحاجات الللي هقولها دي ودي الشيف عملها في الحلقة عمل بيتزا بالجمبري وبيتزا باللحمة وبالفراخ وبالكابوريا وبالتونة وبالسوسيس وبالسبيط وطبعا الحاجات دي بتتحط مستوية
وفي سر تاني من اسرار نجاح البيتزا انك تعملي صلصة الطماطم من غير بذر
يعني تجيبي الطماطم وتغسليها وتسلقيها دقيقتين وبعدين تطلعيها في مية باردة وتقشريها وتشيلي البذر من جواها وتفرمي اللحم بتاعها وتحطيه ع النار ومش لازم يتسبك اوي وبعدين تدهني وش البيتزا بيه
وفي بقي سر تالت من اسراح نجاح البيتزا وهو ازاي البيتزا مش تلزق منك في الصينية وهو انك ترشي شوية دقيق سيمولينا صغيرين في قعر الصينية اللي هتعملي فيها البيتزا  

للمشاهدة الفيديو اضغط هناااااا