ساندوتش الرنجة بالخبز السويدي

المقادير 

بيضتين ( يفضل قديمة شوي يعني لها أسبوع كذا في الثلاجة )

ملعقة كبيرة خردل ديجون

ملعقة كبيرة زيت زيتون

حبتين إلى ثلاث حبات سمك رنجة مدخن

ملعقتين كبار شبت مفروم

بصلة حمراء مقطعة شرايح نحيفة

شوي كابر مغسول

خبز سويدي أو كراكرز

الطريقة 

نغلي مويه مع شوي ملح على غلية جدا خفيفة بعدين نحط البيض ونخليها تطبخ ٦ دقايق لا أكثر. نطلعها من المويه ونحطها في حمام ثلجي أو نغسلها بمويه باردة عشان نوقف عملية الطبخ. بعد ما تبرد البيضة نقشرها ونقسمها بالنص ونشيل الصفار (بيكون سايل ) في صحن خلط .

نخلط الخردل و الشبت و الزيت مع صفار البيض ونخلطهم زين إلين يعطينا خليط ثقيل. الحين ناخذ السمك ونفتته شوي بشوكة بعدين نضيفة عالخليط ونفتته بالشوكه زين.

ندهن الترتار على الخبز ونقدمة مع البصل و الكابر و نزينة بشوي شبت .